Blog

Posted in zürich

Araw ng Kalayaan 2018

Sa pinakahuling Kuwentuhang Sabado para sa taong 2017-2018 ay ipinagdiwang ang Araw ng Kalayaan at pagtatapos ng klase. Napakaganda ng panahong iyon: mainit ngunit mahangin.

img_0311 

Pagkatapos kantahin ang “Lupang Hinirang” at “Bayan Ko” ay ibinasa ang kuwentong “Mahiwagang Istetoskop” na tungkol sa ating pambansang bayani na si Gat Jose Rizal. Continue reading “Araw ng Kalayaan 2018”

Posted in zürich

Si pagong at si matsing

Nung ika-7 ng Abril 2018, ginanap ang huling Kuwentuhang Sabado. Mayroon uli kaming bagong mga bisita. Si Leonel at ang nanay niyang si Abigail at ang lola niyang si Teresita. Dumalaw din si Liway at ang tatay niyang si Glenn.

At dahil sa aming mga bisita, nagpakilala uli muna kaming lahat. Pagkatapos, kinanta namin ang aming mga awiting pambata para maalala uli.

Ang sumunod naman ay ang kuwentuhan. Nagbasa si Mommy Charlie ng librong
«Si pagong at si matsing» muling isinalaysay ni Virgilio S. Almario at Iginuhit ni Hubert B. Fucio.
Nagustuhan ng mag bata ang kuwento. Biglang napakatahimik sa kuwarto dahil ang mga bata ay nakikinig ng mabuti sa kuwento.

Alle_close

Continue reading “Si pagong at si matsing”

Posted in basel

Piyesta ng Muling Pagkabuhay – Basel

Nagkaroon ng mini-KS ng ika-24 ng Marso sa gubat ng Lange Erlen sa Basel. Ang paksa ay Piyesta ng Muling Pagkabuhay.

Bukod sa pagbasa ng mga aklat tungkol sa muling pagkabuhay ni Hesus at Easter at pagkanta ng mga paboritong awitin, gumuhit sa at nagtina ng itlog ang mga lumahok

Pagkatapos ay nagkaroon ng Easter egg hunt kung saan lahat ng mga tsokolateng itlog ay nahanap

 

Maligayang Piyesta ng Pagkabuhay sa inyong lahat!

Posted in zürich

Kung may tiyaga, may nilaga!

Ito ang aming bansag noong nakaraang Kuwentuhang Sabado nung ika-3 ng Pebrero 2018.
Bago kami magkuwentuhan, kinanta muna namin ang aming awiting bambati at pagkatapos, nagpakilala muna ng isa-isa ang mga bata dahil mayroon kaming bisita.
Si Aaron, si Laura at ang kanilang nanay na si Payapa. Nakakatuwa makita na ang mga bata ay natututo na rin magsalita ng Tagalog matapos lang ng isang taon! Hanga talaga ako sa kanila!

Kuwento1

Continue reading “Kung may tiyaga, may nilaga!”

Posted in general

Saan nagtatago si Pilo?!

Nung ika-6 ng Enero ang unang pagkikita-kita namin sa Kuwentuhang Sabado sa taon ng 2018. Si Mommy Charlie ang nagbasa ng librong «Si Pilong patago-tago». Kuwento ni Kristine Ganon at guhit ni Leo Alvarado. Dahil si Pilo ay tago ng tago, natutuhan ng mga bata ang mga iba-ibang lugar. Si Pilo ay nagtago sa ituktok ng aparador, sa gilid ng kama, sa gitna ng kanyang mga laruan at iba pa.

Gruppe

Ang pangalawang libro ay «Si Wako», kuwento ni Victoria Anonuevo at guhit ni Jess Abrera Jr. Dahil si Wako ay tamad, sinasabihan siya ng mag tao na siya ay bobo. Kaya nagsumikap si Wako at ang kuwagong bobo ay naging isang kuwagong matalino.

JL+Benjamin

Pagkataos namin magbasa, pinagaralan namin ang bagong kanta: «Sampung malulusog na bata». Una nagbilang muna kami mula isa hanggang sampu. Naku mabilis ito natutunan ng mga bata! Mas madali yata matuto kung ang binibilang ay mga Smarties!

 

Matapos kami magbilang, kinanta namin ang «Sampung malulusog na bata». Inulit na rin namin yung ibang naming mga kanta upang hindi makalimutan. Ang saya!

Pagkatapos nito, yung ibang mga bata ay naglaro at yung iba ay nagkulay.

At sa huli, kami ay nag-merienda ng 3-Königskuchen! Ang mga naging reyna at hari ay si Jean Louise, si Benjamin at si Dorian! Laking tuwa nila!

 

 

Posted in zürich

Ang Tikbalang at ang Bruha

Kilala mo ba ang tikbalang at ang bruha ng Pilipinas? Noong ikaapat ng Nobyembre 2017, nagtipon ang mga bata at magulang sa Zürich at may natutunan tungkol sa mahihiwagang halimaw ng Pilipinas. Unang-una, kumanta ang lahat ng pangungumusta.

Binasa ni Mommy Kith ang librong “Ang Tikbalang Kung Kabilugan ng Buwan” ni Virgilio Almario at “Bru-ha-ha-ha-ha-ha…Bru-hi-hi-hi-hi-hi…” ni Ma. Corazon Remigio.

Kumanta muna ang lahat ng Bahay Kubo at Sampung mga Daliri bago naupo at gumawa ng mga maskara.

Tinulungan ng mga magulang ang kanilang mga anak gumuhit at gumupit ng mga makukulay na maskara na may sari-saring hugis.

Ang gaganda ng mga maskara, ano?

Nagsalu-salo ng meryenda ang lahat bago kumanta ng pagpapaalam. Magkita-kita tayo sa susunod na Kuwentuhang Sabado!

Posted in zürich

Ang pambihirang sombrero

Sa nakaraang Kuwentuhang Sabado noong ika-7 ng Oktobre 2017, ang aming paksa ay tungkol sa sombrero.
Nagumpisa kami magkantahan ng «Kumusta ka» at «Masaya kung sama-sama».
Pagkatapos, binasa ni Mommy Charlie ang «Pambihirang Sombrero» ni Jose Muguel Tejido. Natutuhan namin ang iba-ibang mga trabaho. Halimbawa ang tindera, pulis bombero at iba pa.

Kuwento_alle

Nang matapos magbasa ng libro, gumawa ang mga bata ng kanya-kanyang sombrero.

Basteln1Basteln2Basteln4Basteln3

Sa huli, kumain pa kami ng muffins na ginawa ni Massi. Napaka sarap. Maraming salamat, Massi!
At habang naglalaro ang mga bata, may oras magusap-usap ang mga magulang.

Meriyenda

Magkita-kita tayo sa susunod na Kuwentuhang Sabado!

Posted in zürich

Bahagi ng Katawan sa Zürich

Alam niyo ba ang mga bahagi ng katawan? Ito ang tema ng Kuwentuhang Sabado noong ikalawa ng Setyembre. Sinimulan ang pagtitipon ng isang kuwento ng magkakapatid na daliri na tinawag na “Si Hinlalaki” at sinulat ni Virgilio Almario. Dito nalaman ng mga bata ang iba’t ibang pangalan ng mga daliri, pati ang kahalagahan ng pagtutulungan. Matapos magtanungan at magturo ng iba’t ibang bahagi ng buong katawan, kumanta ang lahat ng “Sampung mga Daliri” at “Paa, Tuhod, Balikat, Ulo”.

IMG_1245

Continue reading “Bahagi ng Katawan sa Zürich”